Athro/awes Gwydd / Mathemateg

Athro/awes Gwyddoniaeth a Mathemateg

Llawn amser am flwyddyn

Graddfa Gyflog Athrawon

ar gyfer Medi 2025

Dyma gyfle arbennig i ymuno ag ysgol flaengar a llwyddiannus sydd â “naws deuluol Gymreig ac ethos cryf o

weithio fel tîm sydd yn treiddio’r holl ysgol” (Estyn, 2023). Mae gennym dîm brwdfrydig a thalentog o staff sydd yn

ymroi’n llwyr i gynnal y safonau uchaf o ddysgu ac addysgu a chyflawniad ein dysgwyr. Chwiliwn felly am berson

blaengar, brwdfrydig, ymroddgar ac egnïol sydd â’r gallu i addysgu o fewn yr adrannau gwyddoniaeth a

mathemateg. Mae’r adrannau yn cyfrannu at addysgu llwyddiannus yr ysgol, gan gynllunio a darparu gwersi o

safon uchel. Mae gan yr adrannau dimau llwyddiannus a phrofiadol o staff sydd yn cefnogi’i gilydd ac yn anelu am y

gorau o’n dysgwyr a thanio’u brwdfrydedd yn y pwnc. I’r rheiny sydd â diddordeb pontio o’r sector cynradd bydd

hefyd cyfle i ddysgu pwnc arall i ddysgwyr blynyddoedd 7, 8 a 9 er mwyn cadw amrywiaeth a manteisio ar

arbenigedd yr unigolyn.

Ysgol Gyfun Gymraeg Llangynwyd yw unig ysgol gyfun Gymraeg sir Pen-y-bont ar Ogwr ac mae gennym

weledigaeth clir a safonau uchel. “Mae gan yr arweinwyr ddarlun cynhwysfawr o’r cryfderau a’r meysydd i’w

gwella yn yr ysgol a maent yn uchelgeisiol ac yn cynllunio’n ofalus ar gyfer gwelliannau” gan gynnig “rhaglen

gynhwysfawr o weithgareddau dysgu proffesiynol ar gyfer yr holl staff” (ESTYN, 2023). Lleolir yr ysgol i’r de o

bentref hanesyddol Llangynwyd, llai na 10 munud o gyffordd 36 yr M4. Mae iddi gysylltiadau rhwydd a pharod o

Abertawe i’r gorllewin (llai na 30 munud) a Chaerdydd i'r dwyrain (25 munud).

Mae hwn yn gyfle arbennig i gychwyn, neu ddatblygu gyrfa a chymryd rhan blaenllaw yn natblygiad yr ysgol gyfan

gan fodloni blaenoriaethau cenedlaethol.

Disgwylir i berson sy’n ymgeisio ar gyfer y swydd fodloni’r gofynion isod:

• meddu ar gymwysterau a/neu brofiad priodol ar gyfer addysgu gwyddoniaeth a mathemateg mewn ysgol

uwchradd;

• meddu ar sgiliau cyfathrebu da iawn yn y Gymraeg a’r Saesneg;

• meddu ar sgiliau TGCh da iawn;

• gallu gweithio fel rhan o dîm;

• dangos ymroddiad i gefnogi datblygiad ieithyddol a diwylliannol dysgwyr drwy weithgareddau allgyrsiol;

• ymrwymo’n llawn i gynllun datblygiad proffesiynol parhaus yr ysgol ac ymgymryd â gwaith ymchwil

personol fel rhan o’r safonau proffesiynol newydd.

Os hoffech ymuno â ni yn Ysgol Gyfun Gymraeg Llangynwyd, lawr lwythwch y ffurflen gais oddi ar wefan E-teach ac

os ydych am sgwrs anffurfiol, croeso i chi gysylltu â’r ysgol i gael siarad ag aelod o’r Uwch Dîm Arwain.

Dyddiad cau ar gyfer ceisiadau: Dydd Llun, 5 Fai 2025 am 9am.

This is an advertisement for the post of a full-time mathematics teacher in a Welsh Medium School. The ability to communicate

fluently in Welsh is essentia