Swyddog Cymorth Addysg

Swyddog Cymorth Addysg

Reference: SEP20239042

Expiry date: 23:59, Thu, 28th Sep 2023

Location: Abertawe

Salary: £11.25 Per Hour

Duration: Tan 31ain Awst 2024

Amdanom ni:

Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled y ddinas a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr sylweddol yn y rhanbarth. Rydym yn cyflogi tua 1,000 o staff.

Yng Ngholeg Gwyr Abertawe, rydym yn angerddol am fuddsoddi yn ein staff a gofalu am eu lles, er mwyn sicrhau eu bod yn derbyn cefnogaeth yn y gwaith a gartref.

Y rôl:

Darparu cymorth i fyfyrwyr ag Anghenion Dysgu Ychwanegol (ADY) yn unol â’r Ddeddf Anghenion Dysgu Ychwanegol a’r Tribiwnlys Addysg (ALNET) i sicrhau bod gweledigaeth y coleg a’i ymrwymiad i brofiad y dysgwr yn cael eu gweithredu mewn modd effeithiol. Gwneir hyn trwy gyrraedd targedau a sicrhau’r buddion gorau posib i’n dysgwyr a’u helpu i gyflawni eu potensial llawn.

• Cyfnod penodol tan 31 Awst 2024
• £11.25 yr awr
• Campws Tycoch

Nodwch yn glir yn eich ffurflen gais pa swyddi gwag/swyddi gweigion yr hoffech chi fynegi diddordeb ynddynt:

• Swydd Wag A: 27.5 awr yr wythnos (yn ystod y tymor, 36 wythnos y flwyddyn)
• Swydd Wag B: 19.5 awr yr wythnos (yn ystod y tymor, 36 wythnos y flwyddyn)
• Swydd Wag C: 13 awr yr wythnos (yn ystod y tymor, 36 wythnos y flwyddyn)

Cyfrifoldebau Allweddol:

Cefnogi myfyrwyr ag anghenion dysgu ychwanegol wrth ddarparu rhaglenni addysgol, yn unol â chyfarwyddyd y darlithwyr.

Helpu symud dysgwyr sydd â gofynion gofal personol o le i le yn unol â’u cynlluniau gofal.

Cysylltu â dysgwyr, teuluoedd/gofalwyr, awdurdodau lleol a staff y coleg i asesu a monitro’r broses o gyflwyno cynlluniau pontio.

Yn absenoldeb y darlithydd, helpu / goruchwylio myfyrwyr yn yr ystafell ddosbarth yn ystod amser cinio, adeg cofrestru’r bore, ar ddiwedd y dydd ac yn ystod cyfnodau rhydd.

Amdanoch chi:

• Cymwysterau TGAU mewn Mathemateg a Saesneg (Gradd A-C) neu’r cyfwerth
• Profiad o weithio gyda myfyrwyr ag anghenion dysgu ychwanegol
• Dealltwriaeth o’r anghenion cymhleth a’r rhwystrau i ddysgu y mae dysgwyr ag ADY yn eu hwynebu

Buddion:

• 5.66 wythnos o wayliau blynyddol
• Cynllun Pensiwn Llywodraeth Leol a chyfraniad cyflogwr o 21% ar gyfartaledd (2023)
• 2 ddiwrnod lles i staff
• Parcio am ddim

Rydym yn croesawu ceisiadau gan unigolion, waeth beth fo’u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu’n arbennig ceisiadau gan grwpiau nad ydynt wedi’u cynrychioli’n ddigonol o fewn ein sefydliad.

Os hoffech ymgymryd â’r broses ymgeisio trwy gyfrwng y Gymraeg, ewch i’n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a’r angen i ehangu gweithlu dwyieithog.

Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac rydym yn disgwyl i bob aelod o staff gydymffurfio â’r ymrwymiad hwn. Bydd gofyn i’r ymgeisydd llwyddiannus ymgymryd â gwiriad DBS manylach a chofrestru gyda Chyngor Gweithlu Addysg Cymru.

Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno’ch cais yn gynnar.

Fel rheol, bydd penodiadau yn cael eu gwneud ar waelod y raddfa gyflog gyda chynyddrannau blynyddol ar 1 Awst bob blwyddyn (yn amodol ar ddyddiad cychwyn cyn Chwefror 1).