Yn dilyn dyrchafiad y dirprwy bennaeth, mae yna gyfle cyffrous i ymuno a thim llwyddiannus ym Mhontardawe. Dymuna Corff Llywodraethu’r ysgol hon benodi unigolyn brwdfrydig, creadigol, ymroddgar a chydwybodol sydd yn meddu ar sgiliau cyfathrebu a rhyngbersonol arbennig ar gyfer Dirprwy Bennaeth. Gwahoddir ceisiadau gan athrawon sydd â’r profiad addas i ymgymryd â’r swydd allweddol hon yn yr ysgol, i ddechrau yn Hydref 2025 (neu cyn gynted â phosib ar ôl hynny)

Caiff y Dirprwy Bennaeth:

• Cefnogaeth staff brwdfrydig;

• Cefnogaeth llywodraethwyr a’r gymuned sy’n ymrwymedig i nodau a gweledigaeth yr ysgol;

• Cyfle i weithio gyda phlant gweithgar a chyfeillgar yr ysgol;

• Ymgymryd mewn gweithgareddau a bywyd hynaws yr ysgol;

• Cyfle arbennig i ddatblygu’n broffesiynol.

Bydd disgwyl i’r ymgeisydd llwyddiannus:

• Medru ar ddealltwriaeth glir o ofynion y Cwricwlwm Newydd i Gymru;

• Yn medru meddwl yn greadigol ac yn strategol ac yn medru datrys problemau a gweithredu’n arloesol;

• Medru cyfathrebu’n glir gyda sgiliau ieithyddol cadarn ar lafar ac yn ysgrifenedig;

• Medru arwain a rheoli staff yn effeithiol, eu hysbrydoli a’u datblygu’n broffesiynol.

• Cydweithio’n arbennig gyda staff a phennaeth yr ysgol;

Mae Cyngor Castell-nedd Port Talbot yn gwbl ymroddedig i ddiogelu a hyrwyddo lles plant a phobl ifanc, ac mae'n disgwyl i'r holl staff a gwirfoddolwyr rannu'r ymroddiad hwn. Mae gan ein hysgolion yr un ymroddiad i sicrhau bod ein holl blant a phobl ifanc yn cael eu diogelu a'u hamddiffyn a byddant yn gweithredu i ddiogelu eu lles.

Wrth wraidd y broses recriwtio ar gyfer y swydd hon bydd asesiad recriwtio mwy diogel trylwyr i sicrhau bod plant a phobl ifanc yn cael eu hamddiffyn.

Mae'r swydd hon yn amodol ar Ddatgeliad Manwl y Gwasanaeth Datgelu a Gwahardd (Plant).

Dyddiad cyfweliadau i’w gadarnhau.