Mae Ysgol Gyfun Gymraeg Bro Edern yn chwilio am Swyddog Bugeiliol CA3 brwdfrydig ac ymroddedig i ymuno â’r tîm. Bydd y rôl yn canolbwyntio ar gefnogi disgyblion i gael mynediad llawn at ddysgu, gan weithio’n agos gydag athrawon a staff i sicrhau eu lles, eu cynhwysiant a’u datblygiad personol. Bydd y swydd yn cynnwys darparu cymorth yn yr ystafell ddosbarth ac ar draws yr ysgol, gan helpu disgyblion i ymgysylltu’n llawn â’u haddysg.
Bydd y person llwyddiannus yn cefnogi anghenion cymdeithasol ac emosiynol disgyblion, yn helpu i reoli ymddygiad ac yn annog annibyniaeth a hunan-barch. Bydd disgwyl hefyd i’r ymgeisydd gefnogi athrawon drwy baratoi adnoddau, cadw cofnodion, cyfathrebu â rhieni/gofalwyr, a chyfrannu at weithgareddau ehangach yr ysgol, gan gynnwys goruchwylio disgyblion a chymryd rhan mewn ymweliadau addysgol.
Rydym yn chwilio am unigolyn sydd â sgiliau cyfathrebu a rhyngbersonol cryf, y gallu i weithio’n effeithiol fel rhan o dîm, ac ymrwymiad clir i gefnogi pobl ifanc. Dylai’r ymgeisydd feddu ar gymhwyster Lefel 2 perthnasol neu gyfwerth, ynghyd â dealltwriaeth sylfaenol o ddatblygiad disgyblion a’r cwricwlwm. Mae nodweddion megis amynedd, hyblygrwydd a brwdfrydedd yn hanfodol, ynghyd ag ymrwymiad i ddiogelu a chyfle cyfartal.
Mae Ysgol Gyfun Gymraeg Bro Edern yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.