Gweinyddwr Cyflogres

Amdanom ni:

Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled y ddinas a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr sylweddol yn y rhanbarth. Rydym yn cyflogi tua 1,000 o staff.

Yng Ngholeg Gwyr Abertawe, rydym yn angerddol am fuddsoddi yn ein staff a gofalu am eu lles, er mwyn sicrhau eu bod yn derbyn cefnogaeth yn y gwaith a gartref.

Y rôl:

Gweithio ochr yn ochr â’r Swyddog Cyflogres i ddefnyddio system gyflogres integredig y Coleg i dalu cyflogau staff yn unol â thelerau’r gwasanaeth, deddfwriaethau statudol (ar gyfer treth, yswiriant gwladol a didyniadau eraill) a rheolau’r cynllun pensiwn (CPLlL a TPS).

Amser-Llawn (37 awr yr wythnos)

Parhaol

£25,625 - £27,849 y flwyddyn

Campws Tycoch

Cyfrifoldebau Allweddol:

• Gweithio gyda’r Swyddog Cyflogres i brosesu’r gyflogres bob mis a chynhyrchu gwybodaeth sy’n gysylltiedig â rheoli.
• Prosesu diwygiadau i’r gyflogres (SW3) bob mis gan ddiweddaru system y gyflogres.
• Paratoi cyfrifiadau ar gyfer tâl mamolaeth, tadolaeth a mabwysiadu.
• Prosesu newidiadau o ran absenoldebau oherwydd salwch i’r gyflogres.

Amdanoch chi:

• Cymhwyster Lefel 3 neu’r cyfwerth mewn maes perthnasol e.e. Lefel A / Diploma.
• Lefel 2 (Gradd A-C) neu’r cyfwerth mewn Mathemateg a Saesneg
• Profiad o weithio mewn swydd weinyddol.
• Dealltwriaeth o GDPR.

 Buddion:

• 28 diwrnod o wyliau blynyddol ynghyd, a gwyliau banc, hefyd, mae’r Coleg ar gau am bythefnos dros gyfnod y Nadolig
• Cynllun Pensiwn Llywodraeth Leol a chyfraniad cyflogwr o 21% ar gyfartaledd (2023)
• Mynediad i Raglen Cymorth Gweithwyr sy’n cynnig gwasanaeth cwnsela 24/7
• Mynediad i hyfforddwr ffitrwydd staff/maethegydd/dosbarthiadau ymarfer corf

Rydym yn croesawu ceisiadau gan unigolion, waeth beth fo’u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu’n arbennig ceisiadau gan grwpiau nad ydynt wedi’u cynrychioli’n ddigonol o fewn ein sefydliad.

Os hoffech ymgymryd â’r broses ymgeisio trwy gyfrwng y Gymraeg, ewch i’n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a’r angen i ehangu gweithlu dwyieithog.

Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno’ch cais yn gynnar.

Fel rheol, bydd penodiadau yn cael eu gwneud ar waelod y raddfa gyflog gyda chynyddrannau blynyddol ar 1 Awst bob blwyddyn (yn amodol ar ddyddiad cychwyn cyn Chwefror 1).